Hauslausi húsvörðuinn

34 „Dísúss! Ég tryllist! Hvað er eiginlega í gangi?“ spurði Olga. Svo greip hún í handlegg Sesars og hallaði sér að honum. Vá. Hrædda stelpan … frumlegt, hugsaði Sólveig pirruð. Það virtist sem Sesari líkaði athyglin. Hann losaði sig allavega ekki undan þéttu taki Olgu. Sólveig starði beint fram fyrir sig. Á skjánum mátti sjá flöktandi myndina og fætur skuggaverunnar; hún stóð sem frosin í tröppunum. „Hann hlýtur að vera á leiðinni upp á loft,“ sagði Sólveig á meðan hún velti fyrir sér undarlegri hegðun mannsins. „Af hverju labbar hann þá ekki upp?“ spurði Jonni. „Hann stendur bara kyrr í tröppunum.“ „Kannski er einhver þarna uppi …“ Röddin í Helgu skalf örlítið. „Eins og hver!?“ sagði Sesar. „Svona í alvöru krakkar, eina manneskjan sem