Hauslausi húsvörðuinn

17 Lögreglustöðin „Þið áttuð sem sagt að fara heim,“ sagði lögregluþjónninn og gnæfði yfir Sólveigu. „Já, en …“ Sólveig vissi ekki hvernig hún átti að svara. Konan fyrir framan hana var um fertugt, sterkleg og með hárið vandlega greitt aftur í snúð. Hún var augljóslega ólétt og framstæð kúlan teygði á stífri skyrtunni. „Kennarinn ykkar sagði ykkur að fara beinustu leið heim. Strax. Hvers vegna hlýdduð þið ekki?“ Sólveigu fannst móðurlegur tónninn í röddinni óþægilegur. Konan talaði við hana eins og smábarn. „Áttu fleiri börn?“ „Fleiri?“ „Já, ertu ekki ólétt? Áttu fleiri krakka?“ sagði Sólveig og horfði rannsakandi á konuna.