97 ÝMSAR TEXTÍLAÐFERÐIR Þrykkt með skapalóni Í þessari aðferð samsvara opin í skaplóninu myndinni eða munstrinu sem ætlunin er að þrykkja. Ef fyrirmyndin er í mörgum litum er búið til skapalón fyrir hvern lit. 1. Finnið hugmyndir að fyrirmynd. Fyrirmyndin þarf að vera mjög einföld. Litsetjið myndina og reiknið út hve mörg skapalón þarf að búa til. 2. Leggið myndina á borð og ljósritunarglæru (eða stífan pappír) ofan á. Límið niður með límbandi og skerið úr fyrir einn lit í einu með skurðarhníf. Notið nýja glæru fyrir hvern lit. 3. Strauið efnið og leggið ofan á mjúkt undirlag (t.d. frauðplast og bómullarefni ofan á). Hellið dálitlum þrykklit á pappadisk. Hver litur er á sínum diski. 4. Dýfið þrykksvampi í litinn. Dýfið honum nokkrum sinnum á diskkantinn þannig að liturinn jafnist til í svampinum. Sér svampur þarf að vera í hverjum lit. 5. Staðsetjið skapalónið á efnið og festið niður með límbandi. Dýfið beint niður á efnið með þrykksvampinum. Látið efnið þorna á milli áður en dýft er með næsta lit. 6. Látið efnið þorna og festið litinn með því að strauja yfir efnið. Efni og áhöld – ljósritunarglæra eða stífur pappír – skurðarhnífur og skurðarbretti – efni – einnota pappírsdiskur – málaralímband – þrykklitur fyrir textíl – þrykksvampur: klippið bút af svampi (2 cm x 6 cm) og brjótið hann tvöfaldan og límið mörgum sinnum utan um með málaralímbandinu. Límbandið myndar líka hald. Einnig má líma svampinn á mjóan trékubb. – eldhúspappír og dagblöð Laufblaðaþrykk 1. Leitið að fersku laufblaði sem er með áhugaverðu munstri. 2. Hellið dálitlum lit á pappadisk. Rúllið eða penslið lit á bakhlið laufblaðsins. Æða- og útlínur blaðsins koma betur fram á bakhliðinni. 3. Leggið blaðið með lituðu hliðinni ofan á efnið. Leggið hreinan pappír yfir laufblaðið og þrýstið ofan á með hendinni eða rúllið yfir með rúlluáhaldi. 4. Lyftið pappír og laufblaði af efninu. Látið efnið þorna og strauið yfir.
RkJQdWJsaXNoZXIy MjIxNzc=