78 Efni og áhöld – bómullarefni – skapalón úr stífu kartoni eða plasti – blýantur og reglustika – skæri eða rúlluhnífur og bútasaumsmotta – tvinni og saumnálar – saumavél Bútasaumur Upphaflega hugmyndin á bak við bútasaum var að endurnýta efni á sama tíma og verið var að skapa eitthvað alveg nýtt. Segja má að aðferðin hafi þróast á heimsvísu, í öllum heimsálfum og á flestummenningarsvæðum. Möguleikar aðferðarinnar eru breytilegir og nánast óendanlegir. Hin hefðbundnu bútasaumsmunstur hafa viðhaldist en alltaf er hægt að skapa ný munstur sem verða síðan að hefðbundnum munstrum fyrir komandi kynslóðir. Skipulag Í bútasaumi eru notuð gömul efni eða efnisbútar og ný efni. Við skipulagið er hugað að grunnreglum litafræðinnar. Efni geta í grunninn verið í sama lit en í mismunandi litatónum og útkoman verður dempuð og í góðu jafnvægi. Hliðstæðir litir liggja hlið við hlið í litahringnum og fara þeir venjulega mjög vel saman. Andstæðir litir liggja á móti hver öðrum í litahringnum. Litirnir lýsa upp hver annan og útkoman verður meira ögrandi. Grunnlitirnir eru rautt, gult og blátt sem er áhrifarík samsetning. Ef ætlunin er að nota efnisbúta verður útkoman í betra jafnvægi ef eitt eða tvö efni eru notuð fyrir bakgrunnslit eða í fleiri en einum lit. Svartur litur er oft hentugur bakgrunnslitur fyrir samstæð efni með svipuðu útliti. Notið aldrei gömul efni með nýjum vegna þess að þau gefa eftir og slitna á mismunandi hátt. Notið heldur ekki saman efni sem eru með mismunandi grófleika.
RkJQdWJsaXNoZXIy MjIxNzc=