68 Efni og áhöld – efni með afgerandi uppistöðu- og ívafsþráðum (einstefta) – strammi eftir þörfum – útsaumsgarn sem hentar útsaumsefninu – nál með rúnnuðum oddi – útsaumshringur eftir þörfum Krosssaumur Krossaumspor samanstanda af skásporum sem krossast. Saumað er í sömu átt og er venja að undirspor séu saumuð frá vinstri til hægri og yfirspor frá hægri til vinstri. Krosssaumur byggir á að reiknaðir séu þræðir í útsaumsefninu. Krosssaumur hentar sérstaklega vel fyrir stílfærð rúmfræðileg og náttúruleg skrautform. Stílfært og einfaldað munstrið er síðan útfært á rúðublað (reitamunstur). Ein rúða samsvarar einu krosssaumsspori í útsaumsverkinu. Ef munstrið er í fleiri en einum lit eru sett inn tákn fyrir hvern lit eða að hver rúða er lituð með viðeigandi lit. Í krosssaumi er markmiðið að þekja yfirborð efnisins þannig að lítið sem ekkert sjáist í útsaumsefnið. Krosssaumsporin eru einnig notuð á óhefðbundinn hátt í frjálsum útsaum. Að skipuleggja krosssaumsverk 1. Teiknið eigið munstur á rúðupappír eða notið tilbúið munstur. Ef fleiri en einn litur er notaður eru teiknuð tákn fyrir hvern lit í rúðurnar eða að hver rúða er lituð með viðeigandi lit. 2. Notið garn í samræmi við útsaumsefnið. Garnið á að fylla vel upp í efnið þannig að grunnefnið verði nær ósýnilegt. Í vissum tilvikum er ætlunin að sjáist vel í efnið. 3. Klippið útsaumsefnið um 5 cm stærra á öllum hliðum en áætluð tilbúin stærð á útsaumsverki. Skipuleggið útsaumsvinnuna. Merkið miðjuna og reiknið rúður og merkið hornin í útsaumsverkinu, hér á við lengd og breidd. Gott ráð er að byrja að sauma út frá miðju verki hvort sem sauma á mynd, munstureiningu eða munsturbekk. 4. Notið útsaumshring eftir þörfum. Hlutföll á milli sporlengdar, grófleika garnsins og grófleika á útsaumsefninu eru rétt í krosssaumsverki þegar efnið sjálft sést ekki á milli sporanna. Stafaklútur. Ungar stúlkur æfðu sig áður fyrr í útsaumi með því að gera stafaklúta og til að eiga fyrirmyndir fyrir ýmsar saumgerðir, form og liti.
RkJQdWJsaXNoZXIy MjIxNzc=