Gullvör

77 Nú er málsgreinin fjórar setningar. [Gunnhildur gekk á fjallið] [og kom heim undir kvöld] [þegar löngu var orðið kvöldsett] [enda sagðist hún vera bæði svöng og þreytt]. Umsagnirnar eru fjórar: gekk, kom , var orðið og sagðist vera . Seinustu tvær umsagnirnar eru samsettar. 12.3 Allar setningar skiptast í aðalsetningar og aukasetningar . Aðalsetn- ingar eru sjálfstæðar og segja fulla hugsun. Þær geta oftast staðið einar. Skoðum dæmi: Hér er unga konan. Hann tók rösklega til matar síns. Ekkert verður farið. Aukasetningar segja ekki fulla hugsun. Þær eru ósjálfstæðar og byrja á aukatengingum. Þær standa með aðalsetningum. Skoðum dæmi: ? Sem vann sundkeppnina. ? Eftir að hann hafði lokið verkinu. ? Meðan veðrið er svona vont. Þessar setningar eru nánast merkingarlausar eins og þær standa þarna. En nú skeytum við þeim aftan við aðalsetningarnar. Hér er unga konan sem vann sundkeppnina. Hann tók rösklega til matar síns eftir að hann hafði lokið verkinu. Ekkert verður farið meðan veðrið er svona vont. Hér er hver málsgrein tvær setningar, ein aðalsetning og ein aukasetning.