Gullvör

1. kafli 4 Þrískipting orðanna Í þessum kafla er fjallað um þrískiptingu orðanna í fallorð , sagnorð og óbeygjanleg orð og talað um fallbeygingu og tíðbeygingu . Þá er lítillega minnst á orðflokkana . 1.1 Orð skiptast í þrjá yfirflokka Öllum orðum getum við skipt í þrjá yfirflokka eftir málfræðilegum einkennum þeirra. Þessir yfirflokkar heita: fallorð sagnorð óbeygjanleg orð Málfræðileg einkenni orða felast í því hvernig þau breytast í munni okkar þegar við tölum. Þeir þrír yfirflokkar orða sem nefndir eru hér að framan hafa hver sín sérkenni. Þau eru: fallorð fallbeygjast (föllin kallast nefnifall , þolfall , þágufall og eignarfall ) sagnorð tíðbeygjast (þau geta ýmist staðið í nútíð eða þátíð ) óbeygjanleg orð fallbeygjast hvorki né tíðbeygjast Alla texta má greina í fallorð, sagnorð eða óbeygjanleg orð. Skoðum dæmi: Hús með rauðu þaki sendur við veginn. Þar býr frænka mín. Hús (hús, um hús, frá húsi, til húss, fallbeygist) fallorð (fo.) með (beygist ekki) óbeygjanlegt orð (ób.) rauðu (rautt, um rautt, frá rauðu, til rauðs, fallbeygist) fallorð (fo.) þaki (þak, um þak, frá þaki, til þaks, fallbeygist) fallorð (fo.) stendur (að standa, stendur, stóð, tíðbeygist) sagnorð (so.) við (beygist ekki) óbeygjanlegt orð (ób.) veginn. (vegurinn, um veginn, frá veginum, til vegarins, fallbeygist) fallorð (fo.)