Heimur í hendi - Geimurinn

Geimkannar sækja þekkinguna um sólkerfið Nær öll þekking á sólkerfinu, sólinni, reikstjörnum þess og tunglum hefur fengist með geimkönnum. Geimkannar eru vélmenni sem eru fjarstýrð frá jörðu. Þeim er skotið upp með eldflaugum og beint að fjarlægum reikistjörnum í sólkerfinu. Það er mikilvægt að þeir afli upplýsinga og þekkingar án þess að lífi fólks sé stofnað í hættu. Algengast er að koma þeim á braut um reikistjörnu sem þeim er ætlað að kanna. Þar verða þeir eins konar fylgitungl þeirra reikistjarna. Öðrum er ætlað að lenda á yfirborðinu til frekari vísindalegra tilrauna sem auka skilning okkar á þessum fjarlægu hnöttum. Flestir geimkannar hafa verið sendir til reikistjörnunnar Mars. Nokkrir á braut um Venus. Tveir til Merkúríusar. Sex hafa farið til Júpíter. Fjórir til Satúrnus og einn til Úranus og Neptúnus. Sá síðasti sem hélt í svo langt ferðalag er geimkanninn „Nýr sjóndeildarhringur“ (enska: New Hori- zon). Honum var skotið frá jörðu árið 2006 og komst á leiðarenda á dvergreikistjörnuna Plútó í júlí 2015. Það mun taka langan tíma að öðlast þekkingu á sólkerfinu með geimkönnum vegna þess að þeir geta einungis reynt að fá svör á fyrirfram ákveðnum spurningum. Reynslan sýnir að svörin kalla fram nýjar spurningar og það mun því taka mörg hundruð ár að afla svara við öllum spurningum um sólkerfið. 22