Geðorðin 10 - Lagt í vörðuna

KENNSLUSTUND 4 FLEIRI UMRÆÐUPUNKTAR: • Góð samskipti við aðra auka hamingju og vellíðan. Hvað eru góð sam- skipti? • Hugsun um þann sem okkur þykir vænt um veitir gjarnan vellíðan. • Hugsa þarf vel um þá sem okkur þykir vænt um. DÆMI UM SETNINGAR Í GEÐORÐABÓK • Hugsa um það sem manni þykir vænt um. • Hugsa um fjölskylduna. • Styðja aðra. • Passa hlutina sína vel. • Vera góð(ur). • Okkur líður vel þegar við hugsum um aðra. • Sýna væntumþykju. • Fara vel með eigur okkar og annarra. • Hugsa vel um aðra. • Vera góður við aðra. • Fara vel með sjálfan sig. • Bera virðingu fyrir sér og öðrum. • Gott að tjá tilfinningu sína. • Vera kurteis. LEIKUR LEYNIVINALEIKUR Markmið : Auka samkennd og efla hópkennd. Gögn : Engin. Framkvæmd : Leynivinaleikur gengur út á að nemendur draga úr potti nafn bekkjarfélaga sem verður leynivinur þess sem dró. Í framhaldi fá nemendur það hlutverk að hlúa vel að leynivini sínum í tiltekinn tíma (t.d. eina viku). Huga þarf að leynivininum án þess að hann komist að því, þannig að fara þarf leynt með góðverkin. Góðverkin geta falist í því að hrósa eða hjálpa viðkomandi, styðja hann ef hann lendir í útistöðum og standa með honum. Senda honum vinakort, ljóð, mynd eða jafnvel lítinn pakka. Þegar tíminn er liðinn tilkynnir sá sem framkvæmdi góðverkin leynivini sínum hver hann var. 37