Frá Róm til Þingvalla

59 K j a r t a n o g G u ð r ú n Kjartan gat ekki sætt sig við að Guðrún væri gift Bolla. Hann giftist samt annarri konu og þá gat Guðrún alls ekki sætt sig við það. Þau urðu meiri og meiri óvinir, þangað til Guðrún fékk Bolla og bræður sína til að drepa Kjartan. Ólafur pá vildi ekki hefna sín á Bolla, fóstursyni sínum, og lét sér nægja að hann borgaði skaðabætur. En þegar Ólafur var dáinn tók Þorgerður til sinna ráða. Hún var nógu lík föður sínum til að vilja hefnd fyrir Kjartan, blóðhefnd. Þorgerður eggjaði syni sína þangað til þeir söfnuðu liði og drápu Bolla. Svo þurfti Guðrún að skipuleggja hefnd eftir Bolla. En alla ævi var það Kjartan sem hún sá eftir, líka þó að hún giftist í fjórða sinn. Íslendingasögur Um fræga fólkið í gamla daga, fólk eins og Egil Skalla- grímsson og Kjartan Ólafsson, eru til gamlar bækur sem heita Íslendingasögur . Ein þeirra heitir til dæmis Egils saga (eða Egla) og er um Egil. Sagan um Kjartan heitir Laxdæla saga af því að ætt Kjartans átti heima í Laxárdal, en það var einmitt dalurinn sem Auður djúpúðga gaf foreldrum Höskuldar. Grettis saga er um Gretti sterka Ásmundarson sem var frægur kappi og útlagi. Annar útlagi hét Gísli Súrsson