Frá Róm til Þingvalla

40 F r á R ó m t i l Þ i n g v a l l a Fæðing Jesú? Ártöl eru kölluð „fyrir Krist“ og „eftir Krist“ (eða „eftir Kristsburð“ ef maður er hátíðlegur) af því að þau miðast við fæðingu Jesú. Svona ártöl voru ekki notuð meðan Jesús lifði, ekki heldur fyrst eftir að hann dó. Það var mörg hundruð árum seinna sem kristnir menn fóru að telja tímann svona út frá fæðingu Krists. En þá vissi bara enginn nákvæmlega hvaða ár hann hafði fæðst. Margir halda að hann hafi fæðst nokkrum árum fyrr, kannski fjórum til sjö árum. En enginn veit það nákvæmlega. Og ártölin gera sitt gagn hvort sem þau eru miðuð við rétt fæðingarár Jesú eða ekki.