Flökkuskinna

82 E in þekktasta múmía veraldar fannst í mýri við Tollund á Jótlandi árið 1950 og er nú á safni í Silkiborg í Danmörku. Líkið var af karlmanni með fléttað reipi um hálsinn svo menn álitu að hann hefði verið myrtur stuttu áður. Fljótlega áttuðu menn sig þó á því að um væri að ræða verkefni fyrir fornleifafræðinga en ekki lög- regluna. Tollundmaðurinn var uppi fyrir meira en 2000 árum eða um 280 f.Kr. Hann er með leðurbelti um mittið og leður- húfu á höfðinu, en að öðru leyti nakinn. Hann er 161 cm á hæð en fætur hans eru svo stórir að talið er að hann hafi verið mun hærri þegar hann lifði og skroppið saman í mýrargröfinni. Höfuð og andlit Tollundmanns- ins eru einstaklega vel varðveitt, það er líkt og hann sofi. Síðan Tollundmaðurinn fannst hefur hann oft verið rannsakaður af vísindamönnum. Rannsóknir hafa meðal annars sýnt fram á að hann var á milli 30 og 40 ára þegar hann dó, hann át 12–24 tímum áður en hann lést og að máltíðin var grautur úr byggi og fræjum. Rannsóknir hafa líka sýnt að Tollundmaðurinn var hengdur en ekki er vitað hvers vegna. Hugsanlega hefur hann verið tekinn af lífi fyrir glæp eða við fórnarathöfn. Maðurinn í mýrinni