Flökkuskinna

64 M argir kannast við mjög algengar myndir af grátandi börnum. Oft er talað um myndina „Drengurinn með tárið“, sem er af dreng með tárvot augu en það eru til margar frægar myndir af grátandi börnum. Frægasti málari þessara mynda hét Bruno Amadio en hann merkti líka stundum myndirnar sínar með nafninu Bragolin. Bruno Amadio var uppi á árunum 1911–1981 en fjöldaframleiddar myndir eftir hann urðu fyrst mjög vinsælar um 1950 á Ítalíu og hafa selst í óteljandi eintökum fram á okkar daga. Bruno Amadio menntaði sig í Feneyjum en fylgdi ekki tískustraumum í myndlist síns tíma. Hann lifði alla tíð í fátækt, umboðsmenn hans fjöldaframleiddu myndirnar og lista- maðurinn fékk lítið í sinn hlut. Eftir að Bruno Amadio lést fóru flökkusögur af stað um verk hans. Í Bretlandi komst sú saga á kreik að álög hvíldu á myndunum. Heimili þar sem myndir af grátandi börnunum hans Amadios héngu, voru oft sögð verða eldi að bráð. Fólki var ráð- ið frá því að hengja myndirnar á veggina. Sú saga gekk að í rústum brunninna húsa fynd- ust myndirnar af grátandi börnunum gjarnan heilar og óbrenndar á meðan allt annað í hús- unum væri brunnið til kaldra kola. Í slúður- blöðum í Bretlandi var því líka haldið fram að málarinn hefði beitt börn ofbeldi og síðan málað myndir af þeim grátandi. Margir trúðu flökkusögunni og skipulagðar voru brennur á málverkumBrunoAmadios. Umþetta var síðar gerður sjónvarpsþáttur. En raunin var sú að Grátandi börn Bruno Amadio hafði ekki lifandi fyrirsætur þegar hann málaði málverkin sín af börnunum. Hann átti stóra dúkku sem hann klæddi í mismunandi föt og andlitin málaði hann eftir andlitum á lista- verkum eftir frægan sænskan 19. aldar málara sem hét Anders Zorn. Myndir eftir Bruno Amadio hafa verið seldar ódýrt á mörkuðum og í póstverslunum í áratugi og fæstum hefur þótt þær merkileg listaverk. Margir eru þó augljóslega hrifnir af myndunum af grát- andi börnum því þær hanga á veggjum heimila um allan heim. Á undanförnum árum hafa þær verið sýndar á listasöfnum erlendis og segja má að Bruno Amadio hafi fengið uppreisn æru því nú safna sumir myndunum hans og eru til í að greiða töluverðar peningaupphæðir fyrir þær.