Fimbulvetur

82 „Blær!“ svaraði Kennarinn og reisti sig við. „En gaman að þú skulir hafa boðið Katrínu til okkar! Ekki átti ég von á þessu en það er snjöll og skemmtileg viðbót við verkefnið.“ „Verkefnið,“ endurtók Katrín án þess að taka augun af skjánum. „Já, enn og aftur kemurðu mér á óvart, Blær mín,“ hélt Kennarinn áfram, „sjálfum hefði mér ekki dottið í hug að bjóða viðfangsefninu að sjá alla vinnuna en það verður sannarlega forvitnilegt að fylgjast með og skrásetja viðbrögðin.“ „Viðfangsefninu,“ muldraði Katrín. „Viðbrögðin?“ Hún hristi höfuðið og sneri sér frá tölvuskjánum. „Er ég bara hluti af einhverju skólaverkefni?“ Blær vissi ekki hverju hún ætti að svara. „Já og nei, ég meina, já þú ert hluti en þú ert líka svo miklu meira en það!“