Fimbulvetur

37 Hún fiktaði smávegis í tækinu að eyrnabaki og gerði sig eðlilegri ásýndar. „Betra?“ „Betra.“ „Komum okkur þá að verki!“ „Hvað ætlum við að gera?“ spurði Katrín. „Þú ætlar að sýna mér bæinn,“ svaraði Blær, „og ef þú stendur þig vel, þá skal ég bjóða þér um borð í skipið okkar á móti. Samþykkt?“ Katrín þurfti ekki að hugsa sig um tvisvar. „Hvað viltu sjá?“ spurði hún spennt. „Ég vil sjá bæinn með þínum augum – það sem þér finnst fallegt eða ljótt, það sem gerir þig stolta eða pirraða – fattarðu hvað ég meina?“ Katrín umbreyttist í leiðsögukonu á staðnum og vissi nákvæmlega hvar fyrsta stoppið yrði. Hún hélt rakleiðis með Blæ inn í skógarlundinn, uppáhaldsstaðinn