Fimbulvetur

26 „Þú hefur gott af því að smakka pöddur,“ hrópaði hann hreykinn og orðin drukkn- uðu í hlátrasköllum hinna krakkanna. Katrín stóð á öndinni og beið átekta eftir viðbrögðum fórnarlambsins. Eðlan hristi sig og hvæsti. Stúlkan sat grafkyrr og lét brúna kássuna drjúpa í þykkum klessum niður á heilskjáinn í borðinu. Lúkas hinkraði stundarkorn en skólabjallan togaði hann í burtu. Hann skilaði tómri matarskálinni sigri hrósandi í vaskinn á leiðinni út, umkringdur kátum félögum sem hömpuðu honum fyrir hugrekkið. Blær sat ein eftir og slökkti á tækjunum sínum án þess að líta upp. Nokkrir krakkar biðu enn í von um meira drama en smátt og smátt dreifði hópurinn sér.