Fimbulvetur

23 skammtinn hans Lúkasar, því hún var enn dálítið svöng. „Fyrr en varir mun hún skilja að ef hún ætlar að eignast einhverja vini getur hún ekki hagað sér svona hér.“ Katrín sá stúlkuna sem sat ein á borði með andlitið límt við tölvuskjáinn. Alltaf á fullu að skrifa eitthvað. Krakkarnir sem áður höfðu hópast í kringum hana í matarleit héldu sig nú fjarri, mesta æðið runnið af þeim. „Nákvæmlega,“ tók Lúkas undir, þungt hugsi, „hún verður að skilja að hún getur ekki hagað sér svona.“ Hann stóð á fætur og Katrín missti tækifærið til að fá sér ábót, því hann greip skálina með sér. Hún fylgdi Lúkasi eftir með augunum og var forviða að sjá hann taka stefnuna beint að nýju stúlkunni. Blær var enn með höfuðið ofan í tölvu- borðinu og gaf stráknum engan gaum fyrr en eðlan teygði hálsinn upp úr veskinu og urraði. Lúkas sagði eitthvað en Katrín var