Fimbulvetur

16 „Er þetta betra?“ Lúkas kipptist við í sætinu og minnstu munaði að hann flygi niður á gólf. Hinir í stofunni kepptust við að sjá almennilega framan í Blæ en hún var snögg að draga hárið aftur fyrir og grípa um eyrun í laumi. Áður en hún breytti sér aftur sneri hún sér örsnöggt að Katrínu og sendi henni skínandi glott, kafloðin í framan, eins og aparnir sem þau höfðu einu sinni lært um í líffræðitíma. Augnabliki síðar sat sama venjulega stúlkan við borðið og hafði gengið inn um dyrnar í ljósbrúnum jakka. „Hvað segið þið, á maður ekkert að læra í þessum skóla?“ „Jú,“ hikstaði Davíð upp úr sér og hrökk í gang, „einmitt, þakka þér fyrir, Blær, við skulum koma okkur að verki!“ Blær dró lítið tæki út úr jakkaerminni, kveikti á sýndarskjá í borðinu sínu og fór