25 Orðskýringar Afborganir: Mánaðarleg endurgreiðsla af láni. Atvinnuleysi: Þegar launþegi er ekki í vinnu er hann atvinnulaus. Atvinnuleysi landsins er hlutfall þeirra sem eru atvinnulausir af þeim sem eru vinnufærir. Auglýsingar: Vera meðvitaður um að auglýsingar sýna alltaf hlutina í sínu besta ásigkomulagi og við bestu aðstæður, þeim er ætlað að selja hlutinn og fá fólk til að langa í hann. Áhrifavaldar: Persóna á samfélagsmiðlum sem kemur vörum á framfæri gegn greiðslu. Áhætta: Þegar á að ávaxta fjármuni með kaupum á hlutabréfum er tekin áhætta á því hvernig hlutabréfaeignin mun þróast þar sem hlutabréfin geta bæði hækkað og lækkað í verði. Árleg hlutfallstala kostnaðar (ÁKH): Hlutfallstala kostnaðar (ÁHK): Þegar lántökukostnaður er reiknaður sem hlutfall af láninu og dreift á lengd lántímans kemur út prósenta sem er ÁHK. Áróður: Fá fólk til að aðhyllast ákveðnar skoðanir, bæði pólitískar og eins varðandi vörumerki. Ávöxtun: Þegar peningur eykur verðgildi sitt annaðhvort í banka eða hlutabréfum er talað um jákvæða ávöxtun. Ef verðgildið minnkar þá er um neikvæða ávöxtun að ræða. Banki: Stofnun sem geymir og lánar peninga gegn vöxtum. Debet: Orðið debet þýðir inneign. Að eiga fyrir því sem greitt er fyrir. Einkaneysla: Einkaneysla er það sem einstaklingar eyða peningum í s.s. matur, tól og tæki, bíla og fleira sem þarf á heimili. Félagsgjald: Gjald sem greitt er til stéttarfélaga til að teljast aðili að því stéttarfélagi. Fjárhagsáætlun: Áætlun sem er gerð til þess að rekstur heimilis eða fyrirtækis sé sem bestur og standi undir sér. Heildarlaun: Þau laun sem launafólk vinnur sér inn áður en skattar og gjöld eru dregin af þeim. Húsnæðislán: Lán sem tekið er til mjög langs tíma, 25–40 ára og er yfirleitt frekar hátt. Þess konar lán eru með veð í húsnæðinu sem er keypt. Innlán: Peningur sem lagður er inn í banka. Kjarasamningur: Samningar sem segja til um laun og önnur kjör sem launafólk á rétt á frá vinnuveitanda. Kredit: Orðið kredit þýðir skuld. Að fá lánað fyrir því sem er keypt. Langtímalán: Lán sem er tekið í banka til lengri tíma en 2ja ára. Getur verið allt að 40 ára lán. Lánshæfismat: Þegar bankar eða aðrar lánastofnanir kanna hversu mikið lán viðkomandi getur staðið undir að endurgreiða. Lántökugjald: Gjald sem þarf að greiða þegar skammtíma- og langtímalán eru tekin í banka. Lántökugjald er föst upphæð ef tekið er húsnæðislán en fellur niður við fyrstu
RkJQdWJsaXNoZXIy MjIxNzc=