mms.is 54 AÐALNÁMSKRÁ GRUNNSKÓLA Efnið Eitt líf fellur vel að hæfniviðmiðum náttúrugreina, samfélagsgreina og skólaíþrótta, sjá dæmi um hæfniviðmið sem eiga við þennan kafla í inngangskafla, bls. 5. UNDIRBÚNINGUR FYRIR KENNSLU: • Lesa kennsluleiðbeiningar og viðeigandi blaðsíður í dagbókinni áður en kennsla hefst. LAGT ER TIL AÐ KENNA 6. KAFLA MEÐ EFTIRFARANDI HÆTTI: • Heildartími: 1 kennslustund (40 mín hver kennslustund) ˚ Kennslustund 1 ▪ Líkamsvitund og líkamsmynd KENNSLUSTUND 1 LÍKAMSVITUND OG LÍKAMSMYND KVEIKJA AÐ EFNINU Lestu upp eftirfarandi texta fyrir nemendur: Líkaminn okkar er stöðugt að senda okkur „skilaboð‟ um hvað hann þarf og hvernig honum líður. Líkamsvitund felur í sér að vera meðvituð um eigin líkama, að tengjast eigin líkama, læra að hlusta á hann og þekkja á eigin forsendum. Líkami okkar lætur okkur til dæmis vita þegar eitthvað er vont á bragðið, hann lætur vita þegar verið er að fara yfir mörkin okkar (þyngri andardráttur, hnútur í maganum, flóttaviðbragð) og einnig segir hann okkur þegar hann þarf hvíld (geispar, augnlokin þyngri, erfiðara að einbeita sér). Að þekkja eigin líkama gerir okkur kleift að greina betur hvernig okkur líður og hvers við þörfnumst. Hlustið saman á hlaðvarpsþátt 6 og látið nemendur vita að þau geti notað dagbókina til að krota í eða skrifa niður punkta sem þeim dettur í hug þegar verið er að hlusta á hlaðvarpið. Það geta verið spurningar, hugleiðingar eða annað. Einnig eru tvær spurningar í dagbókinni sem nemendur geta verið búin að velta fyrir sér áður en þau hlusta. UMRÆÐUPUNKTAR Eftir að hafa hlustað á hlaðvarpið er tilvalið að ræða eftirfarandi umræðupunkta: • Spurðu nemendur: Í þættinum er meira fjallað um líkamsmynd, það hvernig við sjáum líkama okkar, frekar en líkamsvitund. Vitið þið í hverju munurinn er fólginn? Dagbók bls. 53 6.1 6.2 og
RkJQdWJsaXNoZXIy MjIxNzc=