mms.is 30 BJARGRÁÐ - REIÐI KVEIKJA AÐ EFNINU Lestu upp eftirfarandi texta fyrir nemendur: Reiði getur verið erfið tilfinning en hún þarf þó ekki alltaf að vera slæm enda hafa allar tilfinningarnar okkar merkingu. Reiði kemur oft fram þegar verndarkerfið okkar hefur verið virkjað og lætur vita að farið hefur verið yfir okkar mörk með einum eða öðrum hætti. Reiði kemur einnig oft fram til að vernda okkur fyrir viðkvæmari tilfinngum eins og sorg, ótta og vonbrigðum. Gott dæmi um það er þegar fólk verður fyrir ástvinamissi þá er algengt að ein af fyrstu tilfinningunum sem koma fram er reiði, eftir henni fylgir oftar en ekki fullt af öðrum tilfinningum. Ef að reiði fer að blossa upp oft og við upplifum að við ráðum ekki við aðstæður þar sem okkur líður þannig, þá getur verið gott að leita sér aðstoðar. Einnig getur verið gott að hafa nokkur bjargráð tilbúin sem geta aðstoðað okkur við að takast á við reiði á heilbrigðan hátt. Förum saman yfir nokkur bjargráð á bls. 24 í dagbókinni. UMRÆÐUPUNKTAR • Spurðu nemendur: Hvaða aðferð sjáið þið fyrir ykkur að geta notað? Eruð þið með hugmyndir um önnur bjargráð sem hafa eða gætu hentað? Gæti góð vitund um eigin tilfinningar og hvernig þær birtast hjá okkur skipt einhverju máli hér? 2.3 Dagbók bls. 24 Ég nýt þess að hafa stjórn á skapi mínu Ég get leyst þetta án þess að rífast Ég get verið rólegt Ég get höndlað þetta GRMPFF!
RkJQdWJsaXNoZXIy MjIxNzc=