39 Skóladagurinn 6 Markmið 6. kafla eru ... • að nemendur læri litina • að nemendur læri nöfn á námsgreinum og skólastofum • að nemendur læri orðaforða úr skólastarfi • að nemendur læri að segja: Hvenær eru íþróttir? Hvenær ert þú í samfélagsfræði? Á mánudögum og fimmtudögum. Klukkan hvað er matur? Klukkan hvað er skólinn búinn? Hvað lærir þú í heimilisfræði? En stærðfræði? • að nemendur læri samtengingarnar „fyrst“, „svo“ og „síðan“ Litir Kveikja • Takið fram liti (túss-, vatns- eða þekjuliti). Festið stórt blað á töfluna eða notið flettitöflu, málið liti á blaðið og skrifið fyrir neðan hvað litirnir heita. Blandið svo ef til vill litina sem vantar. Leyfið nemendum að nota vatnsliti eða þekjuliti og búa til doppur á blað eða í stílabókina með hverjum lit og skrifa svo fyrir neðan hvað liturinn heitir og blanda fleiri liti. • Sýnið nemendum myndband með Litalaginu. Leitarorð á Youtube: Litalagið. • Biðjið nemendur um að finna eða nefna hluti í skólastofunni sem eru mismunandi á litinn. Nemendur reyna að finna dæmi um litina sem nefndir eru í lesbók. Athugið hvort nemendur þekki íslensk orð yfir liti og fáið að heyra dæmi úr þeirra tungumálum. Lesbók bls. 60–61 • Hlustun 35. Leyfið nemendum að hlusta á orðin yfir hvern lit og biðjið þá að endurtaka. • Bendið nemendum á að litir séu lýsingarorð sem breytast eftir því í hvaða kyni nafnorðið sem það fylgir hefur. Gulur – gul – gult, rauður – rauð – rautt o.s.frv. • Æfið þetta með því að nota hluti sem nemendur kunna nöfnin á nú þegar. Gulur blýantur, gul bók, gult borð. Rauður penni, rauð skólataska, rautt pennaveski. • Sýnið nemendum töflu með litunum í öllum kynjum því þá sjá nemendur ákveðið mynstur í því hvernig orðið breytist.
RkJQdWJsaXNoZXIy MjIxNzc=