96 Þegar fólk flytur milli landa heldur það oft áfram að stunda sína trú, og þannig berast mismunandi trúarbrögð milli heimshluta. Stundum þarf fólk þó að laga sig að siðum og reglum sem gilda í því landi sem það flytur til. Oftast erum við sömu trúar og aðrir í fjölskyldu okkar. Við getum eiginlega sagt að trúin erfist frá foreldrum til barna. Í trúarbrögðunum er sagt hvað sé rétt hegðun og þar eru kenndar ákveðnar siðareglur. Sem dæmi eru flest trúarbrögð með siðaregluna „komdu fram við aðra eins og þú vilt að aðrir komi fram við þig“. Þessi regla er oftast kölluð „gullna reglan“. Sumum gengur vel að lifa eftir þessari reglu en öðrum ekki. Þekktustu trúarbrögð heims og þau stærstu eru kristni, íslamstrú, hindúismi og búddismi. Þessi trúarbrögð skiptast í fjölmarga smærri hópa. Kristin kirkja skiptist meðal annars í lútherstrú og kaþólska trú. Í íslamstrú kallast fylgjendurnir múslimar og eru helstu fylkingar þar kallaðar súnnítar og sjítar. Þar fyrir utan er til fjöldinn allur af lífsskoðunarfélögum sem fólk getur valið um. Trúleysi er hins vegar ekki trú eða trúarbrögð. Trúleysi þýðir það að vera ekki trúaður. Sameiginlegt öllum félögum eða hópum sem tengjast trúleysi er að trúa ekki á guð eða guði. Plís Gud, viltu hjálpa okkur ad vinna leikinn? Já, plís ALLAH! Menning og sidir Gesundheit! Prosit! Halacha! Blessi pig! - AAAA-TSJÚÚÚÚ!!! Fjölbreytni trúarbragda Kirkjur eru allskonar.
RkJQdWJsaXNoZXIy MjIxNzc=