Ég og sjálfsmyndin – Kennsluleiðbeiningar | © Sigríður Steinunn Karlsdóttir | Menntamálastofnun 2022 | 2896 | 67 Kyntjáning og kynhneigð Markmið: Að nemendur sjá að það sé til mismunandi kyntjáning og kynhneigð, jafnvel að nemendur geti fundið stað til að ræða þessi mál, í öruggu rými. Að nemendur auki víðsýni og minnki fordóma. Fróðleikur fyrir kennarann: Texti fenginn af vefnum Hinsegin frá A-Ö Kynverundin er veigamikill hluti af sjálfsmynd hverrar manneskju. Kynverund vísar til heildar- upplifunar af því að vera kynvera. Hún er samspil kyns, kyngervis, kyneinkenna, kynhneigðar og kynvitundar. Kynverund er breytileg og í mótun alla ævi. Eitt af því sem kemur oft fljótt upp þegar rætt er um hinsegin tilveru er spurningin: En af hverju þurfum við að vera að flokka fólk? Er ekki fólk bara fólk og ást bara ást? Ekki flokkum við fólk eftir skóstærð eða hárlit! Í fyrsta lagi má segja að við þurfum þessi ólíku orð til að við getum rætt um tilfinningar okkar og upplifanir. Ef við hefðum ekkert orð yfir það að vera trans, yfir það að vera kynsegin eða pankynhneigð, hvernig ættum við þá að geta rætt þá reynslu okkar og þann mikilvæga part af okkur sjálfum? Hinsegin fólk verður enn fyrir ýmiss konar fordómum og jaðarsetningu og ef við eigum ekki orð yfir það í fari okkar sem veldur því að við erum útsettari fyrir slíku, hvernig getum við þá rætt það? Í öðru lagi er afskaplega stutt síðan hinsegin fólk fór að hittast, móta sjálfsmynd sína út frá því að vera hinsegin og berjast fyrir réttindum sínum. Það eru ekki nema 40 ár síðan það gerðist á Íslandi og þá einkum hjá samkynhneigðu fólki. Það er fullkomlega eðlilegt að það bætist í hinsegin orðaforðann eftir því sem baráttunni vindur fram, fleira fólk kemur út og nýjar kynslóðir bætast í hópinn, rétt eins og við eigum miklu fleiri orð yfir tölvur og tölvutækni núna en þegar tölvur komu fyrst fram á sjónarsviðið. Hvað merkir að vera hinsegin? Til hinsegin fólks teljast m.a. samkynhneigðir, tvíkynhneigðir, pankynhneigðir, eikynhneigðir, trans fólk (kynsegin fólk er þar með) og intersex fólk. Hinsegin er regnhlífarhugtak yfir fólk með kynhneigð, kynvitund, kyneinkenni og/eða kyntjáningu sem fellur ekki að ríkjandi viðmiðum samfélagsins. Á ensku er hinsegin oft táknað með stafasúpunni LGBTI+., en stundum er talað um queer. Kynhneigð: Kynhneigð segir til um hvernig við löðumst eða löðumst ekki að öðru fólki. Sum verða hrifin af fólki sem eru af öðru kyni og eru þá gagnkynhneigð. Önnur verða hrifin af fólki af sama kyni og eru þá samkynhneigð. Sum verða hrifin af fleiri en einu kyni og eru þá t.d. tvíkynhneigð eða pankynhneigð. Sum verða lítið eða ekki hrifin af öðrum og eru þá eikynhneigð. Kynfrelsi þýðir að við eigum rétt á að fá að vera eins og við erum. Fjöldinn allur er til af skilgreiningum á kynhneigð fólks. Kveikja: Gott getur verið að taka umræðuna sem kveikju. Notið vefsíðuna Hinsegin frá A-Ö og lesið þar innsendar reynslusögur.
RkJQdWJsaXNoZXIy MjIxNzc=