Ég og sjálfsmyndin – Kennsluleiðbeiningar | © Sigríður Steinunn Karlsdóttir | Menntamálastofnun 2022 | 2896 | 27 Áhugaverðir tenglar: Undarleg tilraun: Á ferð um samfélagið. https://vefir.mms.is/flettibaekur/namsefni/a_ferd_um_samfelagid/28/ Hugtök útskýrð: Skráðar reglur: Lög og reglur samfélags. Til dæmis umferðarreglur og lögin í landinu. Óskráðar reglur: Reglur sem fólk fer almennt eftir en sem eru ekki skrifaðar niður. Jákvæð samskipti: Góð og vinsamleg samskipti við aðra. Neikvæð samskipti: Samskipti við aðra sem eru ekki til góðs. Halda friðinn: Þegar fólk reynir að umgangast hvert annað án vandræða. Skólinn og vinir Markmið: Að nemendur átti sig á sameiginlegum gildum og reglum sem við búum til innan veggja skólans og í hópum sem við tilheyrum. Að nemendur skilji að líðan eins hefur áhrif á annan og því er sameiginleg velferð alltaf lykillinn að bættri líðan í hóp. Fróðleikur fyrir kennarann: Að sýna skilning og umburðarlyndi í hóp eru afar góð gildi. Þegar nemendur geta lifað og leyfa öðrum að lifa sínu lífi með sínu nefi án afskipta hafa þeir vaxið. Við getum sett óskráðar reglur eða viðmið innan skólans og reynt að efla þau gildi eða hegðun sem við viljum sjá hjá öðrum. Að skapa gott andrúmsloft er mikilvægt þegar margir koma saman. Kennarar setja stundum tóninn með jákvæðu innleggi, róandi framkomu og kærleiksríku viðmóti. Að temja sér það viðhorf að allir séu ólíkir og eigi skilið virðingu er ef til vill meginþema opnunnar. Kveikja: Skoðið spurningaboxið á bls. 25. „Hvað er að vera góður vinur?“ Eru þið sammála þessari skýringu eða vantar eitthvað þarna inn í eða má sleppa? Verkefni: Bekkjarfundur: Kennari kallar nemendur saman á bekkjarfund. Spurningarnar á bls. 25 teknar fyrir. Kennari skiptir nemendum í 6 hópa. Hver hópur fær eina spurningu úr spurningaboxinu. Þeir skoða saman spurninguna og velja ritara, upplesara og skreyta síðan saman. Hver hópur fær litaða örk. Þeir setja spurninguna sem yfirskrift. Dæmi: Eru einhverjar reglur sem ættu að vera um vináttu? Er einhver í vinahópnum sem ræður meira en aðrir? Hvers vegna haldið þið að það gerist? Umræður: • Hvernig er best að snúa sér að því ef við höfum ekki lengur áhuga á að vera í vinasambandi? • Á okkur að líða illa í því sambandi, til þess að særa ekki hinn? • Hvort er betra að segja ekkert og líða illa, eða segja sannleikann og særa hinn? • Þurfa allir alltaf að vera vinir? • Má leyfa vináttu að þroskast í sitthvora áttina? • Breytumst við sem manneskjur þannig við missum sameiginleg áhugamál og viljum kanna nýja vináttu? Er það slæmt?
RkJQdWJsaXNoZXIy MjIxNzc=