Ég og samfélagið – Kennsluleiðbeiningar | © Harpa Jónsdóttir | Menntamálastofnun 2024 | 2912 | 48 • Teiknið mynd af skepnunni. Þið getið líka prófað að búa til mynd eða myndband af skepnunni í myndaforriti eða með gervigreind. • Finnið leið til að leyfa öðrum að njóta furðuskepnunnar ykkar. Til dæmis með því að halda sýningu, safna furðuskepnum bekkjarins í sameiginlega furðuskepnubók eða á annan hátt sem ykkur dettur í hug. Tengd verkefni úr bókinni: Verkefni 5 bls. 117 í bókinni. Ítarefni fyrir nemendur og kennara: Vísindavefurinn: Hvað eru falsfréttir Atlas Obscura: The Myth and Mystery of Scotland’s Wild Haggis Wikipedia: Wild haggis Ekkert hatur bls. 102 Umræður: Hvað þýðir „orðum fylgir ábyrgð“? Getur þú útskýrt það með dæmi? Kveikja: Kennari sýnir myndband sem tengist viðbrögðum við hatursorðræðu. Til dæmis What is a hate speech eða 5 Ways to Deal with Hate Speech Online. Eftir myndbandið stjórnar kennari umræðum um efni myndbandsins þar sem bekkurinn tekur saman góð ráð til að bregðast við hatri á netinu og í lífinu almennt. Hér er gott að hvetja nemendur til að bæta eigin ráðum og hugmyndum við ráðin í bókinni og í myndbandinu. Ítarefni fyrir nemendur og kennara: SAFT – Samfélag, fjölskylda og tækni DO Social Media: What is Hate Speech? Facing Facts: What is hate speech? Common Sense Education: Teen Voices: Hate Speech Online UN: Hate Speech & the Consequences Explained Netið hefur breytt lífi fólks bls. 103–104 Umræður: Hefur þú farið í frí eða dvalið einhvers staðar þar sem ekki var netsamband? Hvernig var það? Ef ekki, hugsaðu þér að þú sért að fara sumarhús í viku þar sem netið næst ekki. Hvernig heldur þú að það væri? Verkefni nemenda: Skoðið saman síðu 104. • Hvaða galla netsins er verið að sýna á blaðsíðunni? Getur þú bætt jafn mörgum atriðum við listann? • Netið hefur ekki aðeins galla heldur líka marga góða kosti. Getur þú skrifað lista með jafn mörgum kostum netsins? • Berðu listann þinn saman við lista bekkjarfélaga. Eru listarnir líkir eða ólíkir?
RkJQdWJsaXNoZXIy MjIxNzc=