Ég og samfélagið – Kennsluleiðbeiningar | © Harpa Jónsdóttir | Menntamálastofnun 2024 | 2912 | 25 Hverjir lifa lengst? Bls. 42 Umræður í bekknum: • Er gott að lifa eins lengi og Jensína? Hvers vegna/hvers vegna ekki? • Hvernig heldur þú að það sé að lifa eftir að allir vinir þínir eru dánir? Hvar eru mestu möguleikarnir að lifa lengi bls. 43-4 Umræður í bekknum: • Hvað (ef eitthvað) eiga löndin þar sem lífslíkur eru háar sameiginlegt? • En löndin þar sem lífslíkur eru lágar? • Hversu mörgum árum munar á lífslíkum í Hong Kong og í Mið-Afríkulýðveldinu? Verkefni nemenda: • Veldu þér eitt af löndunum af listanum, helst eitthvað sem þú veist lítið um. • Kynntu þér lífið í þessu landi. • Síðan skalt þú útbúa stutta kynningu á landinu og flytja hana í bekknum. • Þú getur útbúið veggspjald, myndband eða annað sem styður við kynninguna þína. Tengt verkefni úr bókinni: Verkefni 5 bls. 49 AAtsjÚÚÚ! Bls. 44 Pensilín og þróun bóluefna hafa haft gífuleg áhrif á lífslíkur og heilsu. Verkefni nemenda (val): • Kynntu þér sögu pensilíns (penicillin) og hvaða áhrif lyfið hafði. Búðu til veggspjald og kynntu það í bekknum. • Kynntu þér sögu bóluefna. Búðu til veggspjald og kynntu það í bekknum. Tengt verkefni úr bókinni: Verkefni 6 bls. 49 Ítarefni fyrir kennara og nemendur: Vísindavefurinn: Hvað er og hvernig virkar penisilín? Vísindavefurinn: Hvenær var fyrsta bóluefnið fundið upp og hvað er bóluefni? Aukaverkefni: Kannt þú að stoppa í sokka, gera við saumsprettu eða festa tölu? Vinsældir fataviðgerða virðast vera að aukast. Að minnsta kosti má sjá mikinn fjölda kennslumyndbanda á netinu og á samfélagsmiðlum þar sem einfaldar fataviðgerðir eru kenndar. Ræðið í bekknum hvers vegna fólk gerir við föt nú á tímum (t.d. sparnaður, til að varðveita uppáhaldsflík, af umhverfisástæðum). Setjið upp viðgerðasmiðju í bekknum þar sem nemendur geta lært einfaldar viðgerðir, gjarnan í samvinnu við textílkennara og/eða foreldra. Nemendur geta safnað saman efnum og áhöldum að heiman, svo sem tölum, tvinna og þess háttar. Þeir nemendur sem kunna handtökin kenna hinum og fullorðnir hjálpa til.
RkJQdWJsaXNoZXIy MjIxNzc=