129 Það er skylda að nota öryggisbelti en skrýtið að hugsa til þess að það sé ekki skylda að nota endurskinsmerki! Samt bjarga þau bæði fólki og dýrum frá alvarlegum slysum eða dauða. Í myrkri geta ökumenn átt í miklum erfiðleikum með að sjá aðra. Þau sem nota ekki endurskinsmerki í myrkrinu eru ósýnileg. Stundum gæti verið gaman að vera ósýnileg en bara ekki í umferðinni. Það getur endað illa. Hægt er að fá skemmtileg endurskinsmerki, borða, klemmur og nælur. Svo eru til jakkar, buxur og vesti með endurskini og það er meira að segja til endurskinssprey. Endurskinsmerki virka eins og blikkljós þegar bílljósin skína á okkur og ökumennirnir sjá okkur miklu fyrr. Nú þegar sjáum við fullt af fólki sem notar endurskin; skokkara, göngugarpa, hjólafólk og þau sem þurfa að vinna úti í myrkrinu. Við megum heldur ekki gleyma að setja endurskinsmerki á dýrin okkar – þau þurfa líka að sjást í myrkri.
RkJQdWJsaXNoZXIy MjIxNzc=