140 10. bekkur | 2. HLUTI Skólakerfið Hér er stutt kynning á íslenska skólakerfinu. Grunnskólanám er skylda en önnur skólastig valfrjáls. Flest velja að fara í framhaldsskóla og byggja náms- og starfsferil sinn þaðan. Háskólar bjóða upp á hæstu prófgráðuna. Á því stigi er nám mislangt, frá einu og upp í sjö ár eða jafnvel lengur, frá grunnnámi til doktorsnáms. Námið sem tekur lengstan tíma er yfirleitt þannig að nemendur vinna samhliða þar sem námið er stundað. Námið getur verið mjög fjölbreytti; bæði fræðilegt og faglegt. Meginmunurinn er kannski sá að nám sem er að mestu fræðilegt getur leitt til alls kyns starfa en hið síðara tengist yfirleitt einu ákveðnu fagsviði. Iðn- og verknámsskólar sérhæfa sig í námsleiðum sem veita réttindi sem nýtast beint í atvinnulífinu og eru jafnvel settar upp þannig að hægt sé að stunda vinnu samhliða. Boðið er upp á iðn- og verknám í fjölda greina. Almennt framhaldsskólanám er í boði fyrir alla, en ekki er um skyldunám að ræða. Námsbrautirnar skiptast í starfsnáms-, iðnnáms- og bóknámsbrautir. Ef þú hefur lokið bóknámsbraut geturðu farið beint í háskóla. Ef þú hefur lokið iðn- eða starfsnámi hefurðu öðlast starfsréttindi og getur einnig tekið viðbótarnám til stúdentsprófs sem opnar leið að háskólum. Grunnskólanám er skylda frá 1. til 10. bekk. Öll börn eiga rétt á og ber skylda til að fá grunnmenntun á þessum tíu árum sem er nemendum að kostnaðarlausu. Um námið gilda bæði grunnskólalög og námskrár en grunnþættir samkvæmt þeim eru læsi, sjálfbærni, sköpun, heilbrigði, velferð, lýðræði og mannréttindi. Tilgangurinn er að undirbúa nemendur fyrir lífið til framtíðar og þroska þá á mörgum sviðum, bæði sem manneskjur og til þátttöku í samfélaginu. Þrennt sem ég hef lært um íslenska skólakerfið Tvennt sem mér finnst flókið við íslenska skólakerfið Upplýsingar sem mig vantar varðandi íslenska skólakerfið a b c Að hefja nám | Ísland.is
RkJQdWJsaXNoZXIy MjIxNzc=