Eðlisfræði 1, 2 og 3 - Kennsluleiðbeiningar

Kennsluleiðbeiningar – Eðlisfræði 2 12 2.2 Þrýstingur í vökvum Í kaflanum er farið í hvernig kraftar verka í vatni, hvernig kafarar nýta sér þekkingu umþrýsting og hvernig samgangsker virka. Lykilhugtök • eðlismassi • kraftmælir • lögmál Arkimedesar • lyftikraftur • samgangsker Verklegt/sýndartilraunir Hér koma verklegar æfingar ásamt sýndartilraunum um sambærilegt efni sem útskýra betur þrýsting í vökva. Gosflöskuþrýstingur Efni og áhöld Tveggja lítra gosflaska teip Framkvæmd Gerið þrjú göt á gosflöskuna, eitt mjög ofarlega, annað fyrir miðju og það síðasta alveg við botninn. Gætið þess að götin séu jafnstór. Gott er að líma fyrir götin með sterku teipi ef þess er kostur, annars er hægt að reyna að fylla flöskuna fljótt með vatni. Fyllið flöskuna af vatni og fjarlægið teipið. Fylgist með hvernig vatnið sprautast út um götin. Er einhver munur á því hvernig vatnið sprautast út? Já, það á að vera þannig. Vatnið á að sprautast með mestum krafti neðst. Það er vegna þess að neðst í flöskunni er mestur þrýstingur. Þá er aftur hægt að spyrja, af hverju er mestur þrýstingur neðst? Jú, vegna þess vatnssameindir sem eru ofar í flöskunni þrýsta á þær sem eru neðar og eðli málsins samkvæmt eru þá neðstu vatnssameindirnar undir mestum þrýstingi frá öðrum sameindum, auk þess sem þyngdaraflið spilar líka örlítið inn í. Vökvi færður milli íláta með slöngu Efni og áhöld Tvö ílát, djúp glös eða gosflöskur þunn slanga eða samsett rör vatn (matarlitur) Framkvæmd Vatn er sett í tvær sambærilegar skálar. Síðan er hækkað undir annarri skálinni og athugað hvað gerist. Vatnið fer vissulega á milli skálanna og eftir því sem hæðarmunurinn er meiri þá gengur þetta betur fyrir sig. Það er þrýstingur sem veldur því að vatnið fer á milli. Hér eru tvö myndbönd sem sýna ferli tilraunarinnar vel auk þess að útskýra hugtök og fleira. https://www.youtube.com/watch?v=CZmP0vsRBZ8 https://www.youtube.com/watch?v=lba319lymXU 2. Þrýstingur