Búddhatrú - Leiðin til Nirvana

Gótíma gekk á milli húsanna í þorpinu sínu. Alls staðar sem hún kom gat hún fengið mustarðskorn en í hverju einasta húsi hafði einhver dáið. Eftir því sem hún kom í fleiri hús áttaði hún sig á því að allir höfðu einhvern tíma misst náinn ástvin eins og hún. Þegar kvöldaði fór hún aftur til Búddha. Hún kom ekki með neitt mustarðskorn, eins og gefur að skilja, og í þetta sinn var hún ekki heldur með dáinn son sinn með sér. Hún hafði látið brenna lík hans eins og siður er meðal hindúa, og sætt sig við dauða hans, því hún vissi nú að hún var ekki sú eina sem hafði misst ástvin. Allir höfðu einhvern tíma þurft að upplifa það sama og hún. Þannig kenndi Búddha henni að sætta sig við dauðann, þjáninguna sem enginn getur umflúið. Búddha gerðist lærimeistari hennar og hún öðlaðist djúpan frið í hjarta. 15 B Ú D D H A Líkneski af Búddha. Búddhistar trúa því að bænum þeirra verði svarað ef þeir biðja til Búddha.