108 Þjóðsögur um galdra Margar þjóðsögur eru til um galdra og galdrafólk. Sumar eru spennandi og fjalla t.d. um galdra til að vekja upp drauga. Það gat verið hættulegt því uppvakningarnir urðu stundum stjórnlausir. Aðrar eru hryllilegar og innihalda óhugnað eins og brækur úr skinni af dánum manni. En svo eru til þjóðsögur um galdra sem eru mjög fyndnar og snúast um galdra sem misheppnast. Ástargaldur virkaði t.d. ekki alltaf eins og hann átti að gera með óvæntum afleiðingum. Í einni þjóðsögunni reynir ungur maður að ná ástum stúlku með því að gefa henni brauð með ástargaldri. Það þótti nefnilega virka best að rista ástarrúnina (galdrastafinn) í brauð eða ost. Nú skalt þú taka við og skrifa þessa þjóðsögu. Vísbendingarnar sem þú færð eru að stúlkan var ekki svöng og tíkin hennar var inni hjá þeim.
RkJQdWJsaXNoZXIy MjIxNzc=