Arfurinn

40 náð flugvélinni sinni til Stokkhólms. Hann gæti þá einbeitt sér að því að slá í gegn á stóra sviðinu á Evrópumótinu og allt yrði eðlilegt aftur. Það hlyti að vera í lagi að brenna bókina tveimur dögum á undan áætlun. Svartklædda fólkið færi vonandi bara aftur heim til sín þegar bókin væri ónýt. Hannes flýtti sér að skrifa leiðbeiningar til Álfrúnar: skutl [email protected] skutl Hæ Þú segir við mömmu að þú sért Linda, nýja konan hans pabba og að þetta sé allt ákveðið. Þið séuð búin að breyta fluginu mínu og að þið sækið mig á eftir, til þess að koma mér degi fyrr til Svíþjóðar. Mamma verður örugglega alveg brjáluð en þú lætur hana ekki komast upp með neitt. Ekki hafa áhyggjur af því að hún þekki í þér röddina – hvernig ætti henni að detta í hug að þetta sért þú að þykjast vera nýja konan hans pabba? Mamma og Linda hafa aldrei talað saman, svo þetta verður ekkert mál. Bless, Hannes – Send A Hann sendi henni skilaboðin og fór svo að pakka niður. Það kom ekkert svar frá Álfrúnu. Hann kreisti sokkapörin þegar hann tók þau saman. Hann var ekki með neitt varaplan. Hvað ef Álfrún myndi ekki hjálpa honum? Hvað ætti hann þá að gera?