40742 Allt um ástina – kennsluleiðbeiningar | © Menntamálastofnun og Ráðgjafar- og greiningarstöð 2023 42 Mynd bls. 127: Stefnumót • Sýndu áhuga og sýndu jákvæðni. Þú gætir til dæmis sagt: ◌ Hæ, gaman að sjá þig. ◌ Þú lítur vel út. ◌ Hvað varstu að gera í gær? ◌ Horfðir þú á leikinn í gær? • Passaðu alltaf að spyrja á móti og leyfa hinum að komast að í samtalinu. • Þetta á ekki að vera eingöngu eintal um þig og þín áhugamál. Þetta á ekki heldur að vera yfirheyrsla um hinn aðilann, heldur samtal ykkar beggja. • Samtal á að virka eins og ping pong, þú gefur boltann og færð hann til baka – kennari gæti þurft að útskýra þetta betur. Mynd bls. 128: Stefnumót – umræðuefni • Það er góð regla í fyrstu skiptin sem þið hittist að vera ekki of persónulegur og tala um almenna hluti. • Fáið nemendur til að ræða hvað hægt sé að spjalla um? • Væri það ef til vill eitthvað af eftirfarandi? ◌ Skóla/vinnu. ◌ Uppáhalds youtube-era. ◌ Ferðlög/sumarfrí. ◌ Sameiginlega vini. ◌ Þætti/bíómyndir/tónlist. ◌ Áhugamál. ◌ Hverjir eru í fjölskyldu þinni. Mynd bls. 129: Stefnumót – forðist • Forðist að ræða um viðkvæm atriði eins og: ◌ Persónulega erfiðleika, svo sem leiða, kvíða eða þunglyndi. ◌ Erfiðleika í fjölskyldunni. ◌ Fjárhagsvandræði eða húsnæðisvandræði. ◌ Fyrrverandi kærustur/kærasta. Mynd bls. 130: Stefnumót – forðist • Forðist að hrósa sjálfum ykkur: ◌ Er ég ekki flott/ur? ◌ Ég er svo vinsæl/l ◌ Hvernig lít ég út? ◌ Finnst þér ég ekki líta vel út í þessum fötum? ◌ Eða eitthvað í þessa veru. ◌ Forðist eintal, passið að spyrja líka hinn aðilann.
RkJQdWJsaXNoZXIy MjIxNzc=