Á ferð um samfélagið

88 Hvað segja lögin? Umræða um kynlíf hefur breyst gríðar- mikið hér á Íslandi síðustu árin sem og víða annars staðar í þróuðum löndum. Fyrir nokkrum áratugum sáust sjaldan myndir af hálfnöktu fólki í fjölmiðlum og umræða um getnaðarvarnir eða sjálfsfróun tíðkaðist ekki heldur. Nú kippa fáir sér upp við myndbirtingar af nöktu fólki og í blöðum og tímaritum er hægt að lesa myndskreyttar greinar um hvernig fólk geti fengið meira út úr kynlífi. Margir hafa gagnrýnt fjölmiðla fyrir að ýta undir klám og klámvæðingu í samfélaginu. Skýrskotanir í kynferðis- legar athafnir eða klæðaburð eru orðn- ar svo algengar að fólk er nánast hætt að taka eftir þeim. Sá hópur sem verð- ur fyrir hvað mestum áhrifum af slíkri klámvæðingu eru börn og unglingar. Mikið af afþreyingarefni sem höfðar til unglinga er klámvætt á einhvern hátt. Mest er um klám á netinu en klám og klámfengið efni er einnig að finna í tónlistarmyndböndum, auglýsingum, sjónvarpsþáttum og tölvuleikjum svo dæmi séu nefnd. Er hægt að kalla ungt fólk nú á dögum klámkynslóðina vegna þess hve aðgangur ungmenna að klámi er greiður?