FJÖLSKYLDAN : ÞJÓÐFÉLAGSFRÆÐI 75 fjölskyldunnar. Fjölskyldan hefur líka það hlutverk að koma til móts við þarfir þínar í mat, drykk og húsaskjóli enda hefur hún yfirleitt sameiginlegan fjárhag. Í Barnasáttmála Sameinuðu þjóðanna er kveðið á um grundvallarréttindi barna. Þar stendur meðal annars að báðir foreldrar eigi að bera sameiginlega ábyrgð á börnunum. Foreldrar eða forráðamenn bera meginábyrgð á uppeldi og þroska barnsins. Velferð barnsins á alltaf að skipta mestu máli. Félagsleg staða. Þegar þú fæddist fékkst þú ákveðna stöðu sem tengist stöðu fjölskyldu þinnar. Fjölskylduuppruni ræður miklu um stöðu þína í samfélaginu. Breytt staða fjölskyldunnar Á 20. öldinni urðu miklar breytingar á lífsháttum Íslendinga. Skýr dæmi um það er aukin þátttaka kvenna á vinnumarkaði og aðkoma feðra að heimilisstörfum, umönnun og uppeldi barna. Fyrir fáeinum áratugum heyrði það til undantekninga að báðir aðilar í sambúð eða hjónabandi ynnu úti og deildu með sér heimilisstörfum og umönnun barna. Slíkt þykir sjálfsagt og eðlilegt í nútímasamfélagi þótt misjafnt sé hvernig verkaskiptingu er háttað. Við þessar breyttu aðstæður hefur skapast þörf á því að foreldrar geti samræmt fjölskyldu- og atvinnulíf. Löggjafinn og atvinnurekendur hafa komið til móts við þennan nýja veruleika með ýmsum breytingum og umbótum.
RkJQdWJsaXNoZXIy MjIxNzc=