Á ferð um samfélagið

VINNA OG FRAMLEIÐSLA : ÞJÓÐFÉLAGSFRÆÐI 101 í heiminum. Meira atvinnuleysi er með- al ungmenna en annarra aldurshópa og skapar það stórt vandamál. Bæði inn- lendar og erlendar rannsóknir sýna að þessi hópur, sérstaklega sá hluti sem enn býr í foreldrahúsum, er í mikilli hættu á að verða afskiptur. Ungmennin „týnast“ þá svo að segja, því mörg þeirra snúa sólarhringnum við og lenda auðveldlega í þeim vítahring depurðar og doða sem einkennir fólk sem lengi hefur verið atvinnulaust. Starfsævin Fólk á vinnumarkaði ver flest að minnsta kosti átta klukkustundum á dag í vinnunni. Þessi kvöð hefur áhrif á hvernig við skipuleggjum lífið og hvaða augum aðrir líta á okkur auk þess að ráða frítíma okkar og tekjumöguleikum. En vinnan hefur mismunandi þýðingu fyrir fólk. Allar birtustundir konu í ind- versku sveitarhéraði geta farið í að bera grjót á vegkanti en hefði hún fæðst á Vesturlöndum og notið menntunar væri hún líklegast í gjörólíku starfi. Þrýstingur frá fjölskyldunni eða samfélaginu kann að ráða því hvaða starf maður stundar og stundum takmarkar efnahagsástand í landinu eða kyn enn frekar starfsmögu- leika. Fólk í láglaunastörfum vinnur jafn- vel tvö störf til að ná endum saman. Á Vesturlöndum er orðið sjaldgæfara að fólk sé í sama starfi alla ævi eins og áður var; nú færist í vöxt að fólk geri skamm- tímasamninga eða vinni fyrir marga at- vinnurekendur. Sveigjanlegur vinnutími nýtur vinsælda hjá starfsmönnum en síður hjá stjórnendum fyrirtækja. Spár um að fólk muni í stórum stíl taka upp fjarvinnu frá heimilum sínum hafa ekki gengið eftir. Hvernig myndir þú útskýra fullyrðinguna um að vinnumarkaðurinn á Íslandi sé enn mjög kynbundinn?