Trunt, trunt og tröllin - rafbók

64 Kímni- og ýkjusögur 25. Mín hefur augu og mitt hefur nef S ö g u g l u g g i E itt sinn bjuggu karl og kerling og áttu sér ekki barna. Einn morgun þá karl fór á skóg að veiða dýr og fugla, segir hann við kerlingu: – Í kvöld skal ég drepa þig ef þú verður ekki búin að eiga mér króga . Síðan fór hann af stað. Nú fór kerling að gráta og sest með miklum harmatölum út undir bæjarvegg. Þá kom til hennar kona og spyr hví hún gráti. Hún sagði henni orð karlsins. Konan kvaðst skyldu hjálpa henni. Þær veiddu hrafn sem var að flökta þar í kring og vöfðu hann reifum . Síðan fór konan í burtu. Kerling var nú að hossa og hampa þessum unga sveini, þangað til karl kom heim. Varð hann nú yfrið glaður þegar hann sá að kerling var búin að eignast barn um daginn. Kerling fer nú ofan að sækja honum mat en karl var að hossa reifaða barninu úti við gluggann og tók úr skjáinn , svo hann sæi betur útlit og yfirbragð barns þessa. Þá segir karl: – Mín hefur augu og mitt hefur nef og mitt hef- ur til þín runnið . Varð krummi þá svo frískur að karl réð ekkert við hann. Losnuðu þá reifarnar utan af honum svo krummi losnaði og flaug út um gluggann. Síðan kemur kerling inn og spyr karlinn um barnið. Karl sagði: – Æ, kerling mín, minnstu ekki á það! Það flaug út og upp til himins! Og bað hana auðmjúklega fyrirgefningar á broti sínu og heimtaði aldrei síðan af henni að eiga þeim króga. Þjóðsögur Jóns Árnasonar krógi : barn harmatölur : kveinstafir, að rekja harma sína flökta : flangra, flækjast um reifar : dúklengjur, lindar sem ungbörn eru vafin í yfrið : mjög skjár : gegnsæ himna í glugga, notuð í stað rúðu yfirbragð : svipur, útlit mitt hefur til þín runnið : af mér ertu kominn, mitt barn