Trunt, trunt og tröllin - rafbók

Úr sjó og vötnum Okkur þykir hún skrýtin trúin á kynjaverur í sjó og vötnum. Í gömlum sögnum segir frá ógrynni slíkra kvikinda. Í sögunum hér á eftir kynn- umst við nokkrum þeirra. Sagan um orminn í Lagarfljóti er gömul og lífseig og ekki svo mjög langt síðan menn sáu honum bregða fyrir. Sú hugmynd að selir séu drukknaðir menn er komin aftan úr fornöld. Menn faraósins í Egyptalandi sem eltu Ísraelsmenn á flóttanum og drukknuðu í Rauðahafinu voru sagðir hafa orðið að selum. Og enn þykir selurinn hafa mannsaugu. Marbendillinn var undarleg skepna, hafmaður sem hafði efri hluta manns en var selur fyrir neðan mitti. En nykurinn er kannski svakalegastur af þessum sæverum. Sá hestur hafði öfuga hófa og ef menn settust á bak þeysti hann með þá út í vatn þar sem hann kafaði og þeir gátu ekki með nokkru móti losað sig af baki hans.