14 Hvernig myndast hljóð? Hljóð eru bylgjur sem ferðast um loftið án þess að við sjáum þær. Til þess að búa til hljóðbylgjur verðum við að hreyfa loftið með titringi. Það gerir til dæmis hátalari, með því að hreyfast fram og aftur. Af hverju hafa sum hljóðfæri djúpa tóna en önnur háa? Vegna þess að hljóðin frá þeim sveiflast mishratt, þau hafa mismunandi tíðnisvið. Tíðni hljóða ræður því hvernig tónarnir hljóma. Tíðnin er mæld í hertz eða sveiflum á einni sekúndu. • Hér eru hljóðfæri með mismunandi tíðnisvið. Hvert þeirra ætli hafi dýpstu tónana? En hæstu? Túba (37 Hz) Selló (65 Hz) Þverflauta (262 Hz) Strengjahljóðfæri eru ýmist strokin með boga eða slegin með fingrum. Þegar strengur sveiflast fram og aftur á miklum hraða hreyfir hann loftið í kringum sig.
RkJQdWJsaXNoZXIy MjIxNzc=