Markviss málörvun

90 3C 3C Fyrsti leikur með orð – hugtakið orð kynnt Leiðbeiningar Börnin sitja í hring. Kennarinn býr til nokkrar stuttar setningar (tveggja og þriggja orða) með kubbum, þ.e. kubbur er lagður til að tákna hvert orð. Byrjað er á setningu með tveimur orðum og kennarinn ræðir við börnin um hvað hún er í mörgum hlutum, þ.e. orðum. Síðan er lögð setning með þremur orðum neðan við þá fyrri. Rætt er um lengd setninganna og þær bornar saman með því að telja orðin. Hjálpargögn Kubbar. Það má líka nota töfluna og teikna kassa til að tákna hvert orð eða nota pappapjöld. Dæmi um leik 1. Kubbar notaðir, einn kubbur lagður fyrir hvert orð. Kennarinn: Leggur kubba til að búa til stutta setningu, til dæmis: Dísa les. Ég er búin(n) að búa til stutta sögu, þetta heitir setning. Börnin: Endurtaka hátt í kór: Setning. Kennarinn: Stutta sagan mín er búin til úr tveimur hlutum. Við skulum telja. Svona hluti af setningu heitir orð. Börnin: Endurtaka hátt í kór: Orð . Kennarinn: Leggur kubba fyrir aðra setningu: Siggi sest niður. Nú er ég búin(n) að búa til aðra litla sögu, það er setning. Börnin: Setning. Kennarinn: Þessi nýja stutta saga er búin til úr þremur hlutum. Við skulum telja. Svona hluti úr sögunni heitir orð. Börnin: Endurtaka í kór: Orð . Kennarinn: Hvað eru mörg orð í fyrri setningunni? Hvað eru mörg orð í seinni setningunni? Hvor setningin er lengri? Ég á sokk