Markviss málörvun

65 2J Póstleikur I Leiðbeiningar Áður en leikurinn hefst þurfa börnin að læra sönginn sem fer hér á eftir. Póstur­ inn (bréfberinn) er valinn með úrtalningarþulu. Hann fær samanbrotinn miða (bréf) sem á er mynd (og/eða orð) sem ríma á við, hjá kennaranum. Hin börnin standa í hring og haldast í hendur. Börnin syngja: Brátt kemur pósturinn, blæs hann í lúðurinn, hátt bæði og snjallt. Pósturinn þræðir sig í gegnum hringinn eins og í Inn og út um gluggann. Pósturinn réttir barninu, sem hann stóð á bak við þegar lagið var búið, bréfið. Það opnar bréfið og les hvað í því stendur. Börnin finna eins mörg orð og þau geta sem ríma við orðið. Næsti póstur (bréfberi) er barnið sem fékk bréfið. Hjálpargögn Nokkur bréf með rímmynd og/eða rímorði. Tilbrigði Börnin sitja í sætunum sínum við borðin og grúfa sig. Enginn má kíkja. Þau syngja sönginn. Pósturinn læðist um stofuna og leggur bréfið á bak við eitt barnið. Þegar lagið er búið athuga börnin hvort þau hafi fengið bréf. Það barnanna sem fékk bréfið les það fyrir hin og þau leysa verkefnið saman. 2J