Markviss málörvun

43 1O Kisa segir mjá Leiðbeiningar Börnin sitja í hring á stólum. Eitt barnið er valið með úrtalningarþulu til að vera kisan. Kennarinn bindur fyrir augun á kisunni og snýr henni nokkrum sinnum til þess að gera hana áttavillta. Síðan á hún að tylla sér á einhvern í hringnum og reyna að þekkja á röddinni hver það er. Hjálpargögn Klútur til að binda fyrir augun. Stólar, einum færri en þátttakendur. Dæmi um leik Kennarinn: Snýr kisunni í nokkra hringi um leið og allir segja í kór. Hollinn skollinn, sitt í hverju horni, ekki skaltu ná mér fyrr en á mánudagsmorgni. Börnin: Sitja steinþegjandi á stólunum. Kisan: Finnur sér einhvern til að setjast á í hringnum og segir: Kisa segir ? Barnið: Mjaaáá (ef til vill með svolítið breyttri röddu). Kisa: Giskar á hver á röddina. Ef kisan giskar rétt skipta þau um hlutverk og leikurinn hefst að nýju. Ef kisan giskar rangt ýtir barnið, sem hún settist á, henni í burtu og þá verður hún að finna sér einhvern annan til að setjast á. Hún fær að reyna þrisvar en þá er ný kisa valin. 1O