Markviss málörvun

Tilbrigði 1 Eftir að farið hefur verið í gegnum forhljóðin tvö er nokkrum myndum dreift fyrir framan börnin (rímmyndirnar, úrklippur, minnisspil o.þ.h.). Kennarinn biður tvö eða þrjú af börnunum að finna mynd sem byrjar á sama forhljóði og verið var að vinna með. Börnin endurtaka orðin í kór og draga forhljóðin lengi. Tilbrigði 2 Börnin klippa út myndir með tilteknu forhljóði úr blöðum og nokkrar þeirra eru hengdar upp í stofunni. 5F Að teikna á töfluna I Leiðbeiningar Börnin teikna hluti sem byrja á vissu forhljóði á töfluna eða flettitöflu. Kennarinn stjórnar leiknum og biður barn að hugsa um hlut sem byrjar til dæmis á sss.... og teikna hann á töfluna. Börnin teikna til skiptis á töfluna eins vel og þau geta. Teikningarnar eru látnar vera á töflunni til næsta skóladags og þá er farið yfir það sem var gert daginn áður. Hjálpargögn Flettitafla, tússpenni, tafla og krít ef til vill litakrítar. Dæmi um leik 1. dagur Kennarinn: Segir til dæmis við barn: Hugsaðu um hlut sem byrjar á s. Barnið: Sss…ól. Kennarinn: Þú mátt teikna sól á töfluna. 2. dagur Kennarinn: Hver teiknaði þessa fínu mynd? Barnið: Þetta er mín teikning. Þetta er sól. Börnin: Endurtaka í kór: Sss…ól. 120 5E 5F