120 Nokkur ritunarverkefni: 1. Hugsið ykkur að Guðrún hefði ekki gifst Bolla heldur beðið eftir Kjartani. Hvernig hefði sagan þá orðið? Rökstyðjið niðurstöðuna. 2. Hugsið ykkur að Kjartan hefði orðið eftir í Noregi og gifst Ingibjörgu konungssystur. Hvernig hefði sagan þá orðið? Rökstyðjið niðurstöðuna. 3. Hugsið ykkur að einhver stúlka sem þið þekkið og komin er á giftingaraldur fái bónorð að fornum sið. Pilturinn fer til föður stúlkunnar og biður um að fá að giftast henni. Stúlkan er svo kölluð til þegar búið er að semja um heimanmundinn. Hvað segir hún um þetta? 4. Fimmti draumur Guðrúnar Ósvífursdóttur. Hvernig er draumurinn? Gestur Oddleifsson kemur í heimsókn og hann ræður drauminn. Hver er ráðningin? Draumurinn kemur svo fram. Hvernig? 5. Þegar ég sá þá framliðnu. Semjið sögu í hrollvekjustíl. Hafið í huga frásögnina af því þegar Guðrún Ósvífursdóttir sá sjódauðu mennina (33. kafli). 6. Einhver sem þið þekkið eignast einhvern grip (lýsið gripnum) sem honum/henni þykir vænt um en gripnum fylgir ólán sem kemur fram í ýmsum myndum. Það þurfa ekki endilega að vera dauðsföll. Ýmislegt annað óþægilegt getur komið fyrir. 7. Hugsið ykkur að Þorkell Eyjólfsson hefði sloppið lifandi þegar að skipið fórst á Breiðafirði (lesið vel 33. kafla). Hvernig hefði hann getað sloppið (hékk á planka sem flaut upp í fjöru, synti til lands, reið á sel upp á næsta sker eða eitthvað annað)? Skrifið lýsingu á því og lýsið svo heimkomu hans til Guðrúnar. laxdæla saga
RkJQdWJsaXNoZXIy MjIxNzc=