115 Á skírdag bjó Þorkell ferju sína til ferðar. Menn löttu hann, því að þeim fannst veður ótryggt en Þorkell sagðist vilja komast heim fyrir páskana. Þeir sigldu ferjunni út eftir Hvammsfirði og voru tíu á skipinu. Veðrið tók að hvessa mjög og gerði hinn mesta storm. Þegar þeir voru komnir út undir Bjarnarey sást úr landi að hvöss vindhviða kom í seglið og hvolfdi skipinu. Þorkell drukknaði þar og allir þeir menn er með honum voru. Sama kvöld gekk Guðrún í kirkju á Helgafelli. Er hún kom til kirkjunnar þóttist hún sjá að þeir Þorkell voru heim komnir og stóðu fyrir utan kirkju. Hún sá að sjór rann úr klæðum þeirra. Guðrún talaði ekki við þá en gekk í kirkju og dvaldist þar um hríð. Gengur hún síðan til stofu, því að hún hélt að þeir Þorkell væru komnir þangað. Þar var þá enginn maður. Þá brá Guðrúnu mjög.
RkJQdWJsaXNoZXIy MjIxNzc=