Gyðingdómur - Sáttmáli þjóðar

G Y Ð I N G D Ó M U R 36 Púrím Í hvert sinn sem nafn Hamans er nefnt í frásögninni lætur fólkið andúð sína í ljós með því að sveifla hrossabresti. Á púrím-hátíðinni er öll Esterarbók, ein af bókum Tenakh (Gamla testamentisins), lesin upphátt í samkunduhúsinu. Í ritinu er sagt frá því hvernig Ester drottning í Persíu bjargaði gyðingum í landinu frá bráðum bana. Ester var gyðingur en eiginmaður hennar, Ahasverus Persa­ konungur, vissi það ekki því hún hafði leynt hann því. Æðsti ráðherra landins, maður að nafni Haman, leit stórt á sig og krafðist þess að þegnarnir hneigðu sig djúpt fyrir honum í hvert sinn sem þeir mættu honum. Allir gerðu þetta möglunarlaust nema gyðingar, sem vildu ekki hneigja sig fyrir neinum nema Guði. Haman varð öskureiður og ákvað að útrýma öllum gyðingum í landinu fyrir að óhlýðnast sér. Frændi Esterar, Mordecai, var einn þeirra sem neituðu að bugta sig fyrir ráðherranum. Hann hitti Ester á laun og benti henni á að líf allra gyðinga í landinu væri í hættu, þar á meðal hennar eigið.