Geitur í garðinum

6 Nói vinur minn segist vera af hinni frábæru Nóastaðaætt. Pabbi hans Nóa heitir Nói og hann er líka Nóason. Þau kalla hann alltaf Gamla-Nóa og Nóa, vin minn, kalla þau Litla-Nóa. Til þess að ruglast ekki. Og afi hans, sem heitir auðvitað líka Nói Nóason, er kallaður eldri Gamli-Nói. – Stundum finnst mömmu nóg komið af Nóum, sagði Nói vinur minn eitt sinn en bætti svo við að þetta væri nú hans arfleifð. Já, hann talar stundum alveg eins og gamall karl úr sveit. Eins og þið eruð örugglega búin að uppgötva þá er ég stelpa en ekki strákur. Og ég heiti hvorki meira né minna en Sunna Sól! Þá vitið þið það. Hvað merkir arfleifð ?