Dægurspor

61 Einnig voru á efnisskránni tangóar, valsar, polkar, gömul lög sem allir kunnu, sígaunalög, austur-evrópskir söngvar og létt klassísk tónlist. Sungið var á þýsku, ensku, frönsku, pólsku, rússnesku og fleiri málum. Orðið slagari, sem nota má yfir vinsælt dægurlag er komið beint úr þýsku: Schlager. Sjaldan hefur danstónlist verið betur flutt en í Þýskalandi á dögum Weimar-lýðveldisins. Svo var alltaf var stutt í húmorinn hjá Þjóð- verjum. Enda voru þeir alvanir háðsádeilu kabarettanna sem nutu mikilla vinsælda á þessum árum. Bandarískar djasshljómsveitir sóttu Þýskaland heim og þarlendar konur fylgdust vel með tískustraumum þriðja áratugarins. En árið 1933 dró fyrir sólu. Nasistar tóku völdin og ári síðar þurftu allir listamenn að láta skrásetja sig hjá stjórnvöldum. Alls konar boð og bönn settu hljóðfæraleikurum stólinn fyrir dyrnar. Erlend tískuáhrif voru illa séð. Rithöfundurinn Christopher Isherwood skrifaði árið 1939 skáldsöguna Goodbye To Berlin. Þar lýsir hann þessum umbrotatímum í sögu Berlínar. Saga hans varð síðar að söngleiknum Cabaret sem var kvikmyndaður með Lizu Minnelli í aðalhlutverki. Kvikmyndin Der blaue Engel með Marlene Dietrich í aðalhlutverki þykir fanga vel stemningu þessara ára. Marlene Dietrich var geysivinsæl söngkona á árum síðari heims- styrjaldar (1939–1945) og kom m.a. til Reykjavíkur til að skemmta hermönnum. Glæstar vonir þriðja áratugsins