ADHD Handbók

9 heilans má líkja henni við stjórnanda sinfóníuhljómsveitar. Hljómsveitin er skipuð tónlistarfólki en það er í höndum stjórnandans að tryggja að allir byrji að spila á sama tíma, haldi takti og sama hraða svo að tón- listin hljómi sem allra best og verkið komist til skila. Hjá einstaklingum með ADHD virka heilasvæðin vel, sem samsvarar einstökum hljóð- færaleikurum. Samstillingin er í höndum stjórnandans, sem samsvarar stýrifærni heilans. Stýrifærnin er ekki fullþroskuð við fæðingu heldur þroskast hún með aldrinum eftir því sem heilabörkur þroskast á svæði framheila. 9 Skert starfsemi í taugaboðefnakerfi heilans er hluti af orsök skertrar stýrifærni. 10 Mikilsvert er að kröfur og væntingar í skólaumhverfi og á heimili taki mið af því að börn með ADHD standa ekki undir sömu kröfum og jafnaldrar þeirra þar sem um 1–3 ára seinkun getur verið á þroska tiltekinna svæða heilans sem viðkoma stýrifærni. 11 Stýrifærni heilans stjórnar samstillingu heilasvæða líkt og hljómsveitarstjóri hljómsveit. Tímstjórnun Vinnsluminni aldur 20 ára 5 ára Fylgjast með eigin hegðun Verkáætlun Skipulag Stjórnun tilfinninga Seinkun á þroska heilabarkar hjá börnum með ADHD veldur skertri stýrifærni í framheila. Á myndinni er þroski heilabarkar barns með ADHD frá 5–20 ára auðkenndur með bláum lit en sjá má að við 20 ára aldur er heilabörkurinn enn ekki fullþroska.